ᖁᕐᓗᖅᑐᐊᕐᔪᖕᒥᑦ ᐊᖅᑯᑦ ᑐᓚᒃᑕᕐᕕᒡᓗ ᐱᓕᕆᐊᖅ
WKR−ᑯᑦ ᐱᓇᔪᒃᓯᒪᔪᑦ ᐱᕙᓪᓕᐊᑎᑦᑎᔨᐅᓪᓗᑎᒡᓗ ᖁᕐᓗᖅᑐᐊᕐᔪᖕᒥ ᐊᖅᑯᑎᒧᑦ ᑐᓚᒃᑕᕐᕕᖕᒧᓪᓗ (GBRP) ᐱᓕᕆᐊᒧᑦ. GBRP ᐊᑕᐅᓯᐅᙱᑦᑐᒥᒃ ᐊᑐᖅᑎᐅᔪᖅ, ᐅᓄᖅᑐᓄᑦ−ᐱᔾᔪᑎᓕᒃ ᐱᖁᑎᒋᔭᐅᔪᖅ ᓇᓗᓇᐃᖅᓯᒃᑲᓐᓂᕈᑕᐅᓗᓂ ᐃᓄᖕᓄᑦ ᑲᓇᑕᒥᐅᓄᓪᓗ ᓇᖕᒥᓂᖃᕐᓂᕐᒧᑦ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᒃᑯᑦ ᐊᖅᑯᑎᖓᓄᑦ. ᐱᕐᔪᐊᖑᓪᓗᓂ ᐊᐅᓚᔪᓐᓇᐅᑎᓄᑦ ᐊᖅᑯᑎᒋᔭᐅᕗᖅ ᑲᓇᑕᐅᑉ ᓂᒋᐊᓂ ᐊᒻᒪ ᕿᑎᕐᒥᐅᓄᑦ. ᐱᓕᕆᐊᖅ ᐱᓪᓗᐊᑕᐅᓂᐊᖅᑐᖅ ᒪᒃᐱᖅᓯᔾᔪᑕᐅᓗᓂ ᐅᔭᕋᖕᓂᐊᒐᒃᓴᑦᑎᐊᕙᖕᓂᒃ ᕿᑎᕐᒥᐅᓂ, ᐃᖏᕐᕋᔾᔪᑕᐅᓂᐊᖅᖢᓂᓗ ᓄᑖᓄᑦ ᐱᕕᒃᓴᓄᑦ ᕿᑎᕐᒥᐅᑦ ᐃᓄᖕᓄᑦ.
ᐃᑲᔪᖅᑐᖅᑕᐅᓂᖅ ᓯᕗᓕᖅᑎᓂᑦ ᖁᕐᓗᖅᑐᐊᕐᔪᖕᒥᑦ ᐊᖅᑯᑎᒧᑦ ᑐᓚᒃᑕᕐᕕᖕᒧᓪᓗ
"ᐅᑭᐅᖅᑕᖅᑐᒥᑦ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐊᖅᑯᑎ, ᐅᕝᕙᓘᓐᓃᑦ ᖁᕐᓗᖅᑐᐊᕐᔪᖕᒥ ᐊᖅᑯᑎ ᐊᒻᒪ ᑐᓚᒃᑕᕐᕕᒃ, ᐃᓚᒋᔭᐅᕗᖅ ᐃᓄᖕᓄᑦ−ᐊᐅᓚᑕᐅᓪᓗᓂ ᐱᓕᕆᐊᖑᕙᓪᓕᐊᔪᒪᔪᓄᑦ ᐃᑲᔪᖅᓱᖅᑕᐅᓪᓗᓂ ᓄᓇᕗᑦ ᒐᕙᒪᒃᑯᓐᓄᑦ. ᑖᓐᓇ ᑲᓇᑕᒥ−ᐱᕈᖅᓴᐃᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᖅ ᓴᙱᒃᑎᒋᐊᖅᑎᑦᑎᓂᐊᖅᐳᖅ ᓄᓇᐅᑉ ᐊᒃᑐᐊᓂᕆᔭᖓᓂᒃ ᐅᑭᐅᖅᑕᖅᑑᑉ ᑕᕆᐅᖓᓄᑦ, ᒪᑐᐃᖅᓯᓗᓂ ᐱᕕᒃᓴᓂᒃ ᐅᔭᕋᖕᓂᐊᕐᓂᕐᒧᑦ ᐱᒻᒪᕆᐊᓗᖕᓂᒃ ᐅᔭᕋᖕᓂᐊᒐᒃᓴᓂᒃ ᐱᔭᐅᔭᕆᐊᓕᖕᓂᒃ ᑕᒪᐃᓐᓄᑦ ᑲᓇᑕᐅᑉ ᑮᓇᐅᔭᓕᐅᕋᓱᖕᓂᕐᒧᑦ ᐅᓇᑕᖅᑐᒃᓴᒃᑯᓪᓗ ᐱᔭᕆᐊᖃᖅᑕᖏᓐᓄᑦ. ᑖᓐᓇᑐᐊᑦᑎᐊᖑᓂᐊᕐᒥᔪᖅ ᐃᑎᔪᒥ ᑐᓚᒃᑕᕐᕕᐅᔪᖅ ᐱᖓᓐᓇᖅᐸᓯᐊᓂ ᕿᑭᖅᑕᖏᓐᓂ ᑕᓪᓗᕈᑎᐅᑉ ᑕᕆᐅᖓᑕ ᓱᓪᓗᐊᓗᒃ ᐅᐊᓕᓂᕐᒥᑦ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᖓᑕ ᓱᓪᓗᐊᓗᒃ ᖃᓂᒋᔭᖓᓂᓘᓐᓃᑦ, ᐅᔾᔨᕐᓇᖅᓯᕙᓪᓕᐊᑐᐃᓐᓇᕐᓂᐊᖅᑐᖅ ᐊᕐᕌᒍᓂ ᐊᒡᒋᖅᑐᓂ ᐅᑭᐅᖅᑕᖅᑑᑉ ᑕᕆᐅᕐᔪᐊᖓ ᓯᑯᖃᕈᓐᓃᕐᓂᖅᓴᐅᓕᖅᑎᓪᓗᒍ ᐊᒻᒪ ᐅᒥᐊᕐᔪᐊᑦ ᐅᓄᖅᓯᕚᓪᓕᕐᓗᑎᒃ."
ᐃᑲᔪᖅᑐᖅᑕᐅᓂᖅ ᑲᑐᔾᔨᖃᑎᒌᓂᑦ ᖁᕐᓗᖅᑐᐊᕐᔪᖕᒥᑦ ᐊᖅᑯᑎᒧᑦ ᑐᓚᒃᑕᕐᕕᖕᒧᓪᓗ
Morgan James, NY
ᐱᓕᕆᐊᒧᑦ ᑮᓇᐅᔭᖃᖅᑎᑕᐅᓂᖅ
ᑲᓇᑕᒥ ᓂᐅᕐᕈᑎᖃᖅᐸᖕᓂᕐᒧᑦ ᐊᖅᑯᑎᒋᔭᐅᕙᒃᑐᑎᒍᑦ ᑮᓇᐅᔭᖁᑎᒋᔭᐅᔪᓄᑦ ᐃᑲᔪᖅᑐᐃᓂᖅ
ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ (KIA) ᐱᓇᔪᒃᓯᒪᕗᑦ ᐋᖅᑭᒃᓱᐃᕙᓪᓕᐊᓪᓗᑎᒃ GBRP-ᒧᑦ ᐱᓕᕆᐊᖑᔪᒥᒃ 2018−ᖑᓚᐅᕐᓂᖓᓂᑦ.
2019−ᒥ, ᑲᓇᑕ ᐊᑎᓕᐅᓚᐅᖅᐳᖅ $21.6 ᒥᓕᐊᓐ ᑐᓐᓂᖅᑯᓯᐊᕐᓂᕐᒧᑦ ᐊᖏᖃᑎᒌᒍᑎᒥᒃ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ ᑲᓇᑕᒥ ᓂᐅᕐᕈᑎᖃᖅᐸᖕᓂᕐᒧᑦ ᐊᖅᑯᑎᒋᔭᐅᕙᒃᑐᑎᒍᑦ ᑮᓇᐅᔭᖁᑎᒋᔭᐅᔪᓂᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ GBPR−ᒧᑦ ᐱᓕᕆᐊᖑᔪᒧᑦ 1−ᒧᑦ ᐳᐊᕐᕆᔭᖅᑕᐅᑐᐃᓐᓇᕆᐊᖃᓕᕐᓗᓂ.
2023−ᒥ, ᑲᓇᑕ, ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᐊᒻᒪ WKR−ᑯᑦ ᐱᐊᓂᒃᓯᓚᐅᖅᐳᑦ ᓄᑖᙳᕆᐊᖅᑎᑦᑎᓂᕐᒥᒃ ᐊᒻᒪ ᐱᓕᕆᐊᒃᓴᖅᑖᖅᑎᑦᑎᓂᕐᒥᒃ ᐊᖏᖃᑎᒌᒍᑎᒥᒃ, ᓅᑎᑦᑎᓪᓗᓂ ᐱᓇᔪᒃᓯᒪᔪᑦ ᑲᒪᒋᔭᒃᓴᖏᓐᓂᒃ GBRP-ᒧᑦ, ᐊᒻᒪ NTCF-ᒧᑦ ᑐᓐᓂᖅᑯᓯᐊᕐᓂᕐᒧᑦ ᐊᖏᖃᑎᒌᒍᑎᒥᒃ, WKR−ᑯᓐᓄᑦ.
ᐱᓕᕆᐊᒃᓴᒃᑲᓐᓃᑦ ᐃᑲᔪᖅᑐᐃᔾᔪᑎᑦ
2024−ᒥ, ᑲᓇᑕᒥ ᐊᐅᓚᔪᓐᓇᐅᑎᓄᑦ ᑮᓇᐅᔭᒃᑯᕕᒃ ᐊᑐᐃᓐᓇᕈᖅᑎᑦᑎᓚᐅᖅᐳᑦ $3 ᒥᓕᐊᓂᒃ ᐊᑐᖅᑐᐊᒐᒃᓴᓂᒃ ᐃᑲᔫᑎᒃᓴᓂᒃ GBRP ᐱᕙᓪᓕᐊᑎᑕᐅᔪᓄᑦ, ᐊᔾᔨᖃᖅᖢᑎᒃ ᐃᓛᒃᑰᖅᑐᓂᒃ ᑮᓇᐅᔭᓂᒃ. ᓄᓇᕗᑦ ᒐᕙᒪᖓ ᐃᑲᔪᖅᑐᐃᓯᒪᒋᕗᖅ ᐱᓕᕆᐊᖑᔪᒥᒃ ᐅᑯᑎᒎᓇᖅ, CESP−ᑯᑎᒍᑦ ᐊᒻᒪᓗ SIP−ᒧᑦ ᑐᓐᓂᖅᑯᑕᐅᑐᐃᓐᓇᖅᐸᒃᑐᑎᒍᑦ.
ᐱᓕᕆᐊᒧᑦ ᐃᑲᔫᑎᑦ
ᐅᓄᖅᑐᓄᑦ−ᐊᑐᖅᑎᓄᑦ, ᐅᓄᖅᑐᓄᑦ−ᐱᔾᔪᑎᓕᒃ ᐱᖁᑎ ᓇᓗᓇᐃᖅᓯᒃᑲᓐᓂᕈᑕᐅᓗᓂ ᐃᓄᖕᓄᑦ ᑲᓇᑕᒥᐅᓄᓪᓗ ᓇᖕᒥᓂᖃᕐᓂᕐᒧᑦ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᒃᑯᑦ ᐊᖅᑯᑎᖓᓂ
ᖁᕐᓗᖅᑐᐊᕐᔪᒃ ᐃᓂᖃᑦᑎᐊᖅᐳᖅ ᑐᖅᑲᖅᑕᕐᕕᐅᓗᓂ ᑲᓇᑕᒥᐅᓄᑦ ᐊᒻᒪ ᑲᑐᔾᔨᖃᑎᒌᓄᑦ ᐅᓇᑕᖅᑐᒃᓴᒃᑯᑦ ᓇᖕᒥᓂᖃᕐᓂᕐᒧᑦ ᓇᐅᑦᑎᖅᓱᖅᑎᖏᓐᓄᑦ ᐱᖓᖕᓇᖅᐸᓯᐊᓂ ᐅᑭᐅᖅᑕᖅᑐᒥ, ᐊᒻᒪᓗᑦᑕᐅᖅ ᓯᑯᓯᐅᑎᓄᑦ ᓇᐅᑦᑎᖅᓱᖅᑎᓄᑦ ᐊᒻᒪ ᐱᖏᖕᓇᖅᑐᓕᕆᓂᕐᒧᑦ ᐱᓕᕆᐊᒃᓴᓄᑦ. ᑐᓚᒃᑕᕐᕕᐅᑉ ᐃᓂᒋᔭᖓ, ᑕᓪᓗᕈᑎᐅᑉ ᑕᕆᐅᖓᑕ ᓱᓪᓗᐊᓗᒃ ᓈᒻᒪᙱᓪᓕᐅᖅᐸᓪᓕᐊᑐᐃᓐᓇᖅᑐᒥ, ᐱᒻᒪᕆᐅᓂᐊᖅᐳᖅ ᖃᓄᐃᓕᐅᖅᐸᓪᓕᐊᓂᕐᒧᑦ ᐊᑐᕐᓂᖃᓪᓚᕆᖕᓂᐊᖅᐳᖅ. ᑐᓚᒃᑕᕐᕖᑦ ᐊᒻᒪ ᒥᕝᕖᑦ ᓴᓇᔭᐅᓯᒪᓂᐊᖅᑐᑦ ᐊᑦᑕᕐᓇᖅᑐᒦᑎᑦᑕᐃᓕᓂᕐᒧᑦ ᐊᑐᖅᐸᒃᑐᓄᑦ ᐃᓱᒪᒋᔭᐅᓗᑎᒃ. ᑐᓚᒃᑕᕐᕕᒃ ᐊᔪᙱᓛᖑᓕᕈᓐᓇᖅᐳᖅ ᐃᑎᔪᒥ ᐃᒪᕐᒥ ᐊᑯᓐᓂᖓᓂ ᐊᓛᔅᑲᐅᑉ ᐊᒻᒪ ᑲᓛᖦᖡᑦ ᓄᓈᓐᓂ.
ᐱᕐᔪᐊᖑᓪᓗᓂ ᐊᐅᓚᔪᓐᓇᐅᑎᓄᑦ ᐊᖅᑯᑎᒋᔭᐅᕙᒃᑐᖅ ᓂᒋᖅᐸᓯᐊᓂ ᑲᓇᑕᒥ ᐊᒻᒪ ᕿᑎᕐᒥᐅᓂ
ᑖᓐᓇ ᐱᓕᕆᐊᖑᔪᖅ ᐃᓚᖃᖅᐳᖅ 230−ᓂᒃ ᑭᓛᒥᑕᓂᒃ ᐊᖅᑯᑎᒥᒃ ᑖᓐᓇᓗ ᑲᑎᙵᑎᑦᑎᓂᐊᖅᖢᓂ Contwoyto Lake−ᒧᑦ, ᐅᐊᖕᓇᖅᐸᓯᐊᓂ ᐃᓱᓕᑦᑕᕐᕕᒋᔭᖓ Tibbitt−ᒥᑦ Contwoyto−ᒧᑦ ᐅᑭᐅᒃᑯᑦ ᐊᖅᑯᓯᐅᖅᑕᐅᕙᒃᑐᒧᑦ, ᐱᑎᑦᑎᓗᓂ ᐅᑭᐅᒃᑯᑦ ᐊᖅᑯᑎᒋᔭᐅᓇᔭᖅᑐᒥᒃ ᓂᒋᖅᐸᓯᐊᓂ ᑲᓇᑕᒥ ᕿᑎᕐᒥᐅᓄᑦ.
ᓯᕗᓂᑦᓴᑎᓐᓂ, ᐊᑐᕆᐊᖅ ᔨᐅᕆᑯᒥᑦ ᓄᓇᑦᓯᐊᑉ ᑭᓪᓕᖓᓄᑦ ᑲᓱᕈᓐᓇᓯᒐᔭᕐᑐᖅ ᐊᑐᕆᐊᑯᑖᓄᑦ ᓄᑖᒧᑦ ᐊᑐᕆᐊᒧᑦ ᑐᑦᓯᕋᐅᑎᐅᓯᒪᔪᒧᑦ ᓄᓇᑦᓯᐊᒥ, ᐊᕐᕌᒍᓕᒫᖅ ᐊᑐᕆᐊᖑᒍᓐᓇᕐᓗᓂ ᖃᓪᓗᓈᑦ ᓄᓇᖓᓐᓂᑦ ᕿᑎᕐᒥᐅᓄᑦ. ᑕᒪᓐᓇ ᐊᑐᕈᓐᓇᕐᓂᖅ ᐊᑭᒃᖠᒋᐊᖅᑎᑦᑎᒻᒪᕆᖕᓂᐊᖅᐳᖅ ᓇᖕᒥᓂᕆᔭᐅᔪᓂᒃ ᑕᒫᓂ ᐊᕕᒃᓯᒪᓂᕆᔭᐅᔪᒥ, ᐊᑕᓕᖅᑎᑦᑎᓗᓂ ᐅᑭᐅᖅᑕᖅᑐᒥ ᐱᖁᑎᒋᔭᐅᔪᓂᒃ ᓂᐅᕐᕈᑎᖃᕐᕕᐅᕙᒃᑐᓄᑦ ᓄᓇᕐᔪᐊᓕᒫᒥ, ᐊᔪᕈᓐᓃᖅᑎᑦᑎᓗᓂᓗ ᐱᖁᑎᒋᔭᐅᔪᓂᒃ ᑕᒪᐅᖓ ᑎᑭᑕᐅᔪᓐᓇᕐᓗᑎᒃ ᐊᑭᑭᓐᓂᖅᓴᒃᑯᑦ, ᐊᑯᓂᐅᓂᖅᓴᒃᑯᑦ ᐊᕐᕌᒎᑉ ᐃᓗᐊᓂ, ᐊᑐᖅᑕᐅᑦᑎᐊᕈᓐᓇᕐᓂᖅᓴᐅᓗᑎᒡᓗ.
ᐱᓪᓗᐊᑕᖅ ᒪᒃᐱᖅᓯᓂᐊᕐᓗᓂ ᐱᒻᒪᕆᐊᓗᖕᓂᒃ ᐅᔭᕋᖕᓂᐊᒐᒃᓴᓂᒃ ᐱᑕᖃᑦᑎᐊᕐᓂᖓᓂᒃ ᕿᑎᕐᒥᐅᓂ
ᐱᓕᕆᐊᒃᓴᖅ ᓱᒃᑲᒃᑎᒋᐊᖅᑎᑦᑎᓂᐊᖅᑐᖅ ᑮᓇᐅᔭᓕᐅᕋᓱᖕᓂᕐᒧᑦ ᐱᕈᖅᐸᓪᓕᐊᓂᕐᒥᒃ ᐊᕕᒃᑐᖅᓯᒪᓂᐅᔪᒥᑦ, ᐱᐅᓯᒋᐊᖅᑎᑦᑎᒻᒪᕆᖕᓂᒃᑯᑦ ᐊᑐᕈᓐᓇᕐᓂᕐᒥᒃ ᐱᒻᒪᕆᐊᓗᖕᓄᑦ ᐅᔭᕋᖕᓂᐊᒐᒃᓴᓄᑦ, ᓲᕐᓗ ᐊᐃᓴᒃ ᑕᓯᖅ, ᕼᐋᑭᑦ ᑰᒃ, ᐊᒻᒪ ᖁᑦᑎᒃᑐᖅ ᑕᓯᖅ. ᑲᔪᓯᔪᓐᓇᑦᑎᐊᕐᓂᖏᑦ ᑖᒃᑯᐊ ᐅᔭᕋᖕᓂᐊᒐᒃᓴᑦᑎᐊᕙᐃᑦ ᐱᐅᓯᒋᐊᖅᑕᐅᓂᐊᖅᐳᑦ ᐊᑕᐅᑦᑎᒃᑯᑦ ᒎᓗᒧᑦ ᓴᕕᕋᔭᒃᓴᒧᓪᓗ ᓴᖅᑭᑉᐸᓪᓕᐊᔪᓄᑦ, ᐊᒻᒪᓗᑦᑕᐅᖅ ᐊᒥᖅᑳᕈᑕᐅᓗᑎᒃ ᐊᐅᓚᔪᓐᓇᐅᑎᑦ ᐊᑭᑐᔪᑦ ᓴᕕᕋᔭᒃᓴᑦᑎᐊᕙᖕᓄᑦ ᓲᕐᓗ ᐅᒃᑯᓯᒃᓴᓕᖕᒥ ᐊᒻᒪ ᐅᓗᒥ. ᐊᖅᑯᑦ ᓴᓇᔭᐅᓚᐅᖅᑳᖅᑎᓐᓇᒍ ᓄᓇᖅᐸᓯᖕᒧᑦ, ᖁᕐᓗᖅᑐᐊᕐᔪᖕᒥ ᑐᓚᒃᑕᕐᕕᒃ, ᑕᖕᒫᕐᕕᒃ, ᐅᖅᓱᐊᓗᖃᕐᕕᒃ, ᐊᒻᒪ ᒥᕝᕕᒃ ᐱᒻᒪᕆᐊᓘᓂᐊᖅᑐᑦ WKR-ᑯᑦ Arcadia Bay-ᒥ ᐱᕙᓪᓕᐊᑎᑦᑎᓂᕐᒧᑦ, ~20 ᑭᓛᒥᑕᓂᒃ ᐅᖓᓯᖕᓂᖃᑐᐃᓐᓇᖅᑐᖅ ᐱᖓᖕᓇᖓᓂ ᑐᓚᒃᑕᕐᕕᐅᑉ.
ᐊᖁᑎ ᓄᑖᓄᑦ ᐱᕕᒃᓴᓄᑦ ᕿᑎᕐᒥᐅᓂ ᓄᓇᑖᖃᑕᐅᓯᒪᔪᓄᑦ
ᐱᕙᓪᓕᐊᑎᑕᐅᓂᖓ GBRP-ᒧᑦ ᐱᑎᑦᑎᓂᐊᖅᐳᖅ ᓄᑖᓂᒃ ᐱᕕᒃᓴᓂᒃ ᕿᑎᕐᒥᐅᓂ ᓄᓇᑖᖃᑕᐅᓯᒪᔪᓄᑦ ᖃᓄᕈᓘᔭᖅ, ᐃᓚᒋᔭᐅᓪᓗᑎᒃ:
-
ᐃᖅᑲᓇᐃᔮᒃᓴᑦ ᐊᒃᑐᐊᓂᓖᑦ ᐅᔭᕋᖕᓂᐊᕐᕕᖕᓄᑦ, ᐊᖅᑯᑎᓄᑦ, ᐊᒻᒪ ᑐᓚᒃᑕᕐᕕᖕᓄᑦ
-
ᑐᕌᖓᑦᑎᐊᙱᑦᑐᑦ ᐃᖅᑲᓇᐃᔮᒃᓴᑦ ᐊᒃᑐᐊᓂᓖᑦ ᐱᕈᖅᐸᓪᓕᐊᔪᓄᑦ ᐱᔨᑦᑎᕋᖅᑎᓄᑦ ᕿᑎᕐᒥᐅᓂ ᓄᓇᓕᖕᓂ (ᖃᖓᑕᓲᒃᑯᑦ, ᐃᒪᒃᑯᑦ ᓄᒃᑕᖅᑎᑦᑎᓂᖅ, ᐊᕙᑎᓕᕆᓂᖅ/ᒪᓕᒐᖅᑎᒍᑦ, ᐋᓐᓂᐊᖅᑐᓕᕆᓂᖅ, ᐊᓯᖏᓪᓗ)
-
ᓄᒃᑕᕐᓂᖅ ᐃᓕᖅᑯᓯᑐᖃᒃᑯᓪᓗ ᐊᖑᓇᓱᖕᓂᕐᒧᑦ ᐱᕕᒃᓴᐃᑦ ᐊᒃᑐᐊᓂᓖᑦ ᓄᑖᒧᑦ ᒥᑭᑦᑐᓄᑦ ᐅᒥᐊᓄᑦ ᑐᓚᒃᑕᕐᕕᖕᒧᑦ, ᐅᖅᓱᐊᓗᒃᑖᕐᕕᖕᒧᑦ, ᑕᖕᒫᖅᓯᒪᕝᕕᖕᒧᓪᓗ ᖁᕐᓗᖅᑐᕐᒥ, ᐃᓂᖃᑦᑎᐊᖅᖢᓂ ᕿᑎᐊᓂ ᖁᕐᓗᖅᑐᖅ ᐊᒻᒪ ᐃᖃᓗᒃᑑᑦᑎᐊᖅ
-
ᓄᒃᑕᕐᓂᖅ ᐊᒻᒪ ᐱᖅᑯᓯᑐᖃᒃᑯᑦ ᐊᖑᓇᓱᖕᓂᕐᒧᑦ ᐱᕕᒃᓴᑦ ᐊᒃᑐᐊᓂᓖᑦ ᐱᐅᓯᒋᐊᖅᓯᒪᔪᓄᑦ ᓄᓇᖅᐸᓯᒃᑐᒧᑦ ᐊᖅᑯᑎᓄᑦ, ᐃᓚᐅᓪᓗᓂ ᐃᖏᕐᕋᔪᓐᓇᕐᓂᖅ ᓯᑯᒃᑯᑦ ᐊᖅᑯᑎᒃᑯᑦ ᓄᓇᓕᖕᓄᑦ ᐅᑭᐅᒃᑯᑦ
-
ᐱᕕᒃᓴᐃᑦ ᓴᖅᑭᓐᓂᐊᕐᓗᒋᑦ ᓂᕿᒃᓴᖃᑦᑎᐊᕐᓂᖅ ᐊᒻᒪ ᐃᓅᓇᓱᐊᕐᓂᕐᒧᑦ ᐊᑭᖏᑦ ᓄᓇᓕᖕᓂ ᑕᒪᐃᓐᓂᒃ ᑮᓇᐅᔭᓕᐊᑦ ᐅᓄᖅᓯᕚᓪᓕᕐᓗᒋᑦ ᐊᒻᒪ ᖃᖓᑦᑕᐅᑎᑦ ᐊᑭᖏᑦ ᐅᓄᕈᓐᓃᖅᐹᓪᓕᕐᓗᑎᒃ
ᐱᓕᕆᐊᑉ ᐊᖅᑯᑎᒃᓴᖓ
