ᑐᑭᒧᐊᒃᑎᑦᑎᔨᑦ
David Omilgoitok
ᑐᑭᒧᐊᒃᑎᑦᑎᔨ ᐃᒃᓯᕙᐅᑕᐅᖃᑕᐅᔪᕐᓗ
ᑕᐃᕕᑦ ᐅᒥᕈᐃᑦᑐᖅ ᐊᐅᓚᑦᑎᔨᐅᖃᑕᐅᔪᖅ ᐊᒻᒪ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᒻᒪᕆᐅᓚᐅᖅᓯᒪᓪᓗᓂ, ᐃᖃᓗᒃᑑᑦᑎᐊᒥ ᓄᓇᕘᒥ.ᒥᓂᔅᑕᐅᑉ ᑐᖏᓕᕆᓚᐅᖅᓯᒪᔭᖓ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐊᒻᒪᓗ ᒥᓂᔅᑕᐅᑉ ᑐᖏᓕᕆᓪᓗᓂᐅᒃ ᒐᕙᒪᓕᕆᔨᒃᑯᓐᓄᑦ, ᐊᒻᒪᓗ ᑎᑎᕋᖅᑎᐅᓚᐅᖅᓯᒪᓪᓗᓂ ᒥᓂᔅᑕᐃᑦ ᑲᑎᒪᔨᖏᓐᓄᑦ ᓄᓇᕗᑦ ᒐᕙᒪᒃᑯᖏᓐᓂᑦ.
Rick Doman
ᑐᑭᒧᐊᒃᑎᑦᑎᔨ ᐃᒃᓯᕙᐅᑕᐅᖃᑕᐅᔪᕐᓗ
ᕆᒃ ᑖᒪᓐ ᐱᓕᕆᖃᑦᑕᖅᓯᒪᓂᑰᕗᖅ 45 ᐊᕐᕌᒍᐃᑦ ᐅᖓᑖᓄᑦ ᐱᓕᕆᖃᑦᑕᖅᓯᒪᓂᑰᓪᓗᓂ, ᐃᓚᒋᔭᐅᓪᓗᓂ ᑖᒪᓐ ᓴᓇᕝᕕᖕᒥ (ᒫᓐᓇ ᑕᐃᔭᐅᔪᖅ ᐅᐊᓕᓂᖅᐸᓯᖕᒥ ᓇᐹᖅᑐᓕᕆᔩᑦ ᑎᒥᖁᑖᓂ). ᑑᒪᓐ ᐱᒋᐊᖅᑎᑦᑎᓚᐅᖅᐳᖅ EACOM Timber Corporation-ᑯᓐᓂ ᐊᐅᓚᑦᑎᔨᒻᒪᕆᐅᓪᓗᓂ ᐃᒃᓯᕙᐅᑕᕆᔭᐅᓪᓗᓂᓗ. ᐊᐅᓚᑦᑎᔨᒻᒪᕆᐅᓚᐅᖅᓯᒪᕗᖅ ᑐᑭᒧᐊᖅᑎᑦᑎᔨᐅᓪᓗᓂᓗ GreenFirst Forest Products Inc.−ᑯᓐᓄᑦ, ᐱᒋᐊᖅᑎᑦᑎᖃᑕᐅᓯᒪᓪᓗᓂᓗ ᐃᒃᓯᕙᐅᑕᕆᔭᐅᓪᓗᓂᓗ Boreal Carbon Corporation−ᑯᓐᓄᑦ.
Leona Aqlukkaq
ᑐᑭᒧᐊᒃᑎᑦᑎᔨ
ᒪᓕᒐᓕᐅᖅᑎ ᓕᐅᓇ ᐊᒡᓘᒃᑲᖅ ᐱᓕᕆᖃᑦᑕᖅᓯᒪᓂᑰᕗᖅ ᒐᕙᒪᓕᕆᔨᐅᓪᓗᓂ ᒐᕙᒪᒃᑯᓐᓂᓗ ᐊᐅᓚᑦᑎᔨᐅᓪᓗᓂ ᕿᑎᕐᒥᐅᓂ ᓄᓇᕘᒥ.ᓯᕗᓪᓕᖅᐹᒥ ᓂᕈᐊᖅᑕᐅᓚᐅᖅᓯᒪᔪᖅ ᒪᓕᒐᓕᐅᖅᑎᕐᔪᐊᕐᒧᑦ 2008−ᒥ, 2009−ᒥ ᓯᕗᓪᓕᖅᐹᑦᑎᐊᖑᓪᓗᓂ ᐃᓅᓪᓗᓂ ᑲᓇᑕᒥ ᐱᐅᓯᕆᔭᐅᓯᒪᔪᓂ ᑎᒃᑯᐊᖅᑕᐅᓪᓗᓂ ᒥᓂᔅᑕᐅᖃᑎᒌᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ.ᒥᔅ ᐊᒡᓘᒃᑲᖅ ᐃᒃᐱᒋᔭᐅᑦᑎᐊᕆᕗᖅ ᓇᖕᒥᓂᖃᕐᓂᕐᒧᑦ ᓯᕗᓕᖅᑎᐅᓪᓗᓂ, ᑲᑎᒪᔨᐅᖃᑕᐅᓪᓗᓂ Agnico Eagle Mines Limited−ᑯᓐᓄᑦ.
Brendon Abrams
ᑐᑭᒧᐊᒃᑎᑦᑎᔨ
ᐳᕋᓐᑕᓐ ᐋᐳᕋᒻᔅ ᐊᐅᓚᑦᑎᔨᒻᒪᕆᐅᔪᖅ Boreal Carbon Corporation−ᑯᓐᓄᑦ, ᐊᒻᒪ ᐅᑭᐅᑦ ᖁᓕᑦ ᐅᖓᑖᓂ ᐊᑭᑐᔫᑎᓂᒃ ᓂᐅᕕᐊᒃᓴᖃᖅᐸᖕᓂᕐᒧᑦ ᐱᓕᕆᖃᑦᑕᖅᓯᒪᓂᑰᓪᓗᓂ, ᖃᖓᑦᑎᐊᓵᖅ ᑐᑭᒧᐊᒃᑎᑦᑎᔨᐅᓚᐅᖅᖢᓂ ᐊᒻᒪ ᓇᖕᒥᓂᖁᑎᖃᖅᑎᐅᑉ ᓇᖕᒥᓂᖏᓐᓂᒃ ᖃᐅᔨᓴᖅᑎᐅᓪᓗᓂ (ᐃᒡᓗᓂᒃ ᓄᓇᒥᒡᓗ ᓂᐅᕕᐊᒃᓴᖃᖅᐸᒃᑐᓄᑦ) Canaccord Genuity−ᑯᓐᓂ. ᒥᔅᑕ ᐋᐳᕋᒻᔅ ᑮᓇᐅᔭᓕᕆᔨᒻᒪᕆᐅᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᔪᖅ ᐊᒻᒪ ᑮᓇᐅᔭᓕᕆᔨᒻᒪᕆᐅᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓪᓗᓂ.
Dennis Patterson
ᑐᑭᒧᐊᒃᑎᑦᑎᔨ
ᒪᓕᒐᓕᐅᖅᑎ ᑕᓂᔅ ᒋᓕᓐ ᐹᑐᓴᓐ ᑲᓇᑕᒥᐅᓄᑦ ᒐᕙᒪᓕᕆᔨᐅᔪᖅ ᒪᓕᒐᓕᕆᔨᐅᓪᓗᓂᓗ ᐃᑦᑐᒃᑯᕕᖕᒦᓚᐅᖅᓯᒪᓪᓗᓂ ᓄᓇᕗᒻᒥ 2009−ᒥ ᓄᖅᑲᕕᖕᓂᖓᓄᑦ ᑎᑭᓪᓗᒍ 2023−ᒥ. ᑕᓪᓕᒪᒋᔭᐅᓚᐅᖅᓯᒪᒻᒥᔪᖅ ᓯᕗᓕᖅᑎᐅᓪᓗᓂ ᓄᓇᑦᓯᐊᕐᒥ, 1987-ᒥᑦ 1991-ᒧᑦ.
Management
Brendan Bell
ᐊᐅᓚᑦᑎᔨᒻᒪᕆᒃ
ᐳᕋᓐᑕᓐ ᐱᐊᓪ ᐱᓕᕆᖃᑦᑕᖅᓯᒪᓂᑰᕗᖅ ᐅᑭᐅᖅᑕᖅᑐᒥ ᐅᔭᕋᖕᓂᐊᕐᓂᕐᒧᑦ ᓯᕗᓕᖅᑎᐅᓪᓗᓂ. ᐊᖓᔪᖅᑳᕆᔭᐅᓚᐅᖅᓯᒪ ᔪᖅ ᑐᒥᓂᐊᓐ ᑕᐃᒪᓐ ᑯᐊᐳᕇᓴᓐᑯᓐᓄᑦ. ᐱᐊᓪ ᒥᓂᔅᑕᐅᓚᐅᖅᓯᒪᔪᖅ ᓴᓇᕝᕕᖕᓄᑦ, ᐳᓚᕋᖅᑐᓕᕆᓂᕐᒧᑦ ᐊᒻᒪ ᑮᓇᐅᔭᓕᐅᕈᑕᐅᒃᑲᓐᓂᕋᓱᒃᑐᓄᑦ ᐊᒻᒪ ᒥᓂᔅᑕᐅᓪᓗᓂ ᒪᓕᒐᓕᕆᔨᒃᑯᓐᓄᑦ ᓄᓇᑦᑎᐊᑉ ᒐᕙᒪᖓᓂ. ᑲᑎᒪᔨᐅᖃᑕᐅᖕᒥᔪᖅ ᕌᐳᑦ ᒑᓂᑳᑦ ᑐᙵᕕᖓᓄᑦ.
Byron Dolan
ᑮᓇᐅᔭᓕᕆᔨᒻᒪᕆᒃ
ᕙᐃᕋᓐ ᑑᓚᓐ ᐅᒃᐱᕆᔭᐅᑦᑎᐊᖅᖢᓂ ᐅᖃᐅᔾᔪᐃᔨᐅᕗᖅ ᑮᓇᐅᔭᓕᕆᓂᕐᒧᓪᓗ ᓯᕗᓕᖅᑎᐅᓪᓗᓂ ᓄᓇᖃᖅᑳᖅᑐᓄᑦ ᓇᖕᒥᓂᕆᔭᐅᔪᓄᑦ ᓄᓇᓕᖕᓄᓪᓗ ᑲᓇᑕᓕᒫᒥ. ᐊᖏᔪᒻᒪᕆᖕᒥᒃ ᐅᑭᐅᖅᑕᖅᑐᒥ ᐱᓕᕆᐊᒃᓴᓂᒃ ᑲᔪᓯᑎᑦᑎᓂᕐᒧᑦ ᐱᓕᕆᖃᑦᑕᖅᓯᒪᓂᑰᕗᖅ, ᑮᓇᐅᔭᓕᐅᕋᓱᖕᓂᕐᒧᑦ ᐊᐅᓚᑦᑎᔨᐅᖃᑦᑕᖅᓯᒪᓪᓗᓂ A21−ᒧᑦ ᐱᓕᕆᐊᖑᔪᒧᑦ Rio Tinto's Diavik Diamond Mine−ᒥ.
Elliot Holland
ᐊᐅᓚᑦᑎᔨᒻᒪᕆᒃ
ᐃᓕᐊᑦ ᕼᐋᓚᓐ ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᔨᐅᕗᖅ ᑕᐅᑐᒐᖃᓪᓗᐊᑕᖅᖢᓂ ᐅᑭᐅᖅᑕᖅᑐᒥ ᓄᓇᖃᖅᑳᖅᑐᓂᒡᓗ−ᐊᐅᓚᑕᐅᔪᓂᒃ ᐱᓕᕆᐊᒃᓴᓂᒃ. ᒥᔅᑕ ᕼᐋᓚᓐ ᐅᔭᕋᖕᓂᐊᕐᓂᕐᒧᑦ ᐱᓕᕆᖃᑦᑕᖅᓯᒪᓂᑰᕗᖅ ᐊᐅᓚᑦᑎᓂᕐᒧᑦ ᐅᖃᐅᔾᔪᐃᔨᐅᓪᓗᓂ McKinsey & Company−ᑯᓐᓂ, ᐊᖓᔪᖅᑳᑉ ᑐᒡᓕᐊᓄᑦ ᐱᓕᕆᐊᖑᔪᓄᑦ Dominion Diamond Corporation−ᑯᓐᓂ, ᐅᖃᐅᔾᔪᐃᔨᐅᓯᒪᓪᓗᓂᓗ ᓄᓇᖃᖅᑳᖅᑐᓄᑦ ᑭᒃᑯᑐᐃᓐᓇᓄᓪᓗ ᒐᕙᒪᒋᔭᐅᔪᓄᑦ IMC−ᑯᓐᓂ.
Gavin Law
ᐊᕙᑎᓕᕆᓂᕐᒧᑦ ᐊᐅᓚᑦᑎᔨ
ᒑᕕᓐ ᓛᑦ ᐊᕙᑎᓕᕆᓂᕐᒧᑦ ᒪᓕᒐᓕᕆᓂᕐᒧᓪᓗ ᐱᓕᕆᔨᒻᒪᕆᐅᕗᖅ 25 ᐊᕐᕌᒍᐃᑦ ᐅᖓᑖᓄᑦ ᐱᓕᕆᖃᑦᑕᖅᓯᒪᓂᑰᓪᓗᓂ ᓄᓇᕗᒻᒥ ᐊᒻᒪ ᑲᓇᑕᐅᑉ ᐱᖓᖕᓇᖅᐸᓯᐊᓂ. ᖁᑦᑎᒃᑐᒦᓐᓂᖅᓴᓂᒃ ᐊᕙᑎᓕᕆᓂᕐᒥᒃ ᐱᓕᕆᐊᒃᓴᓂᒡᓗ ᐊᐅᓚᑦᑎᕝᕕᖃᖃᑦᑕᖅᓯᒪᕗᖅ ᐅᕕᓐᑎᕝ−ᑯᓐᓂ, Clear Environmental Solutions−ᑯᓐᓂ, AGAT ᖃᐅᔨᓴᕐᕕᖕᓂᓗ. ᓯᕗᓪᓕᕐᒥ ᐅᑭᐅᖅᑕᖅᑐᒥ ᐃᖅᑲᓇᐃᔭᓚᐅᖅᓯᒪᕗᖅ ᓯᓚᓕᕆᔨᐅᓪᓗᓂ ᐊᕙᑎᓕᕆᔨᒃᑯᓐᓂ ᐊᒻᒪ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑲᓇᑕᒥ ᐊᓘᑦ, ᓄᓇᕗᒻᒥ.
Steve Ash, P.Eng
ᐊᐅᓚᐅᓯᕆᓂᕐᒧᑦ ᐊᐅᓚᑦᑎᔨ
ᓯᑏᕝ ᐋᔅ ᐋᖅᑭᒃᓱᐃᓯᒪᔪᖅ ᐊᑐᓕᖅᑎᑦᑎᓯᒪᓪᓗᓂᓗ ᓇᑉᐸᖅᑎᖅᑕᐅᓯᒪᔪᓂᒃ ᐊᐅᓚᐅᓯᕆᔨᓄᓪᓗ ᐱᓕᕆᐊᒃᓴᓂᒃ ᓄᓇᕗᒻᒥ, ᓄᓇᑦᑎᐊᒥ, ᐊᓛᔅᑲᒥᓗ. ᐱᓕᕆᖃᑦᑕᖅᓯᒪᓂᑰᕗᖅ ᐊᐅᓚᐅᓯᕆᔨᓄᑦ ᐊᐅᓚᑦᑎᔨᐅᓪᓗᓂ ᐊᒻᒪ ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨᐅᓪᓗᓂ, ᓴᓇᕙᒃᖢᓂ ᓴᓇᕝᕕᖕᓂ ᐅᖅᓱᐊᓗᖃᐅᑎᓂᒃ ᐊᓯᖏᓐᓂᒡᓗ ᐅᔭᕋᖕᓂᐊᕐᕕᖕᓂ ᐃᑲᔪᖅᑐᐃᔾᔪᑎᓂᒃ.
Kelsea Bowersock
ᑮᓇᐅᔭᓕᕆᓂᕐᒧᑦ ᐊᒡᓚᒡᕕᓕᕆᓂᕐᒧᓪᓗ ᐊᐅᓚᑦᑎᔨ
ᑭᐊᓪᓯ ᐸᐃᑉᐹᖅᑖᖅᓯᒪᔪᖅ ᑮᓇᐅᔭᓕᕆᔨᒻᒪᕆᐅᓪᓗᓂ (CPA) ᐊᕐᕌᒍᐃᑦ ᖁᓕᑦ ᐅᖓᑖᓄᑦ ᐱᓕᕆᖃᑦᑕᖅᓯᒪᓂᑰᓪᓗᓂ ᑭᒃᑯᑐᐃᓐᓇᓄᑦ ᐱᓕᕆᓂᐅᕙᒃᑐᓂ ᓴᓇᕝᕕᖕᓂᓗ ᑮᓇᐅᔭᓕᕆᓂᕐᒥᒃ. ᐃᓕᓐᓂᐊᖅᑕᒥᓂᒃ ᐊᓂᒍᐃᓚᐅᖅᑐᖅ ᐋᓪᐴᑕᒥ ᓯᓚᑦᑐᖅᓴᕐᕕᒡᔪᐊᕐᒥ ᐊᒻᒪ CPA−ᑖᖅᖢᓂ ᐃᖅᑲᓇᐃᔭᖅᑎᓪᓗᒍ ᓇᓪᓕᐅᒃᑯᒫᓕᕆᔨᓂᒃ PwC Calgary-ᒥ. ᑭᒃᑯᑐᐃᓐᓇᓂᒃ ᐱᓕᕆᖃᑦᑕᖅᓯᒪᓂᖓ ᐃᓚᖃᓚᐅᖅᐳᖅ ᐊᕐᕌᒎᖕᓄᑦ ᒪᕐᕉᖕᓄᑦ ᐃᖅᑲᓇᐃᔭᓚᐅᑲᒃᖢᓂ PwC-ᑯᑦ Dublin-ᒥ ᑎᑎᕋᕐᕕᖓᓂ, ᑮᓇᐅᔭᒃᑯᕕᖕᒥ ᐊᒻᒪ ᐊᑭᑐᔫᑎᓂᒃ ᓂᐅᕕᐊᒃᓴᖃᖅᐸᖕᓂᕐᒧᑦ ᐱᓕᕆᔨᐅᖃᑎᒌᓂ. ᑕᐃᒪᙵᑦ ᒐᕙᒪᒃᑯᓐᓂ ᐱᓕᕆᖃᑦᑕᕈᓐᓃᓚᐅᖅᑎᓪᓗᒍ, ᑮᓇᐅᔭᓕᕆᔨᐅᖃᑦᑕᖅᓯᒪᕗᖅ ᐊᑯᓐᓂᖅᓱᖅᑐᓄᑦ, ᓇᖕᒥᓂᕆᔭᐅᔪᓄᑦ ᑲᒻᐸᓂᓄᑦ, ᐃᑲᔪᖅᓱᖅᑕᐅᓪᓗᓂ ᑕᒪᐃᓐᓄᑦ ᓇᖕᒥᓂᖃᖅᑎᓄᑦ ᐊᒻᒪ ᐊᔾᔨᒌᙱᑦᑐᓄᑦ ᓇᖕᒥᓂᖃᖃᑕᐅᔪᓄᑦ, ᐱᓗᐊᖅᑐᒥ ᐃᒡᓗᓕᐅᖅᑎᓄᑦ, ᐅᖅᓱᐊᓗᓕᕆᔨᓄᑦ ᐊᒻᒪ ᐅᖅᓱᐊᓗᓕᕆᔨᓄᑦ
Kassidy Koaha-Laube
ᓄᓇᓖᑦ ᐃᓚᐅᑎᑕᐅᓂᖏᓐᓄᑦ ᓯᕗᓕᖅᑎ
ᑳᓯᑎ ᑰᕼᐊ−ᓚᐅᐱ ᐊᔾᔨᒌᙱᕈᓘᔭᖅᑐᓂᒃ ᐃᖅᑲᓇᐃᔮᖃᖅᐳᖅ ᐊᔾᔨᒌᙱᕈᓘᔭᖅᑐᓂᒃ ᐱᓕᕆᕝᕕᖕᓂ. ᐱᒋᐊᓚᐅᖅᓯᒪᕗᖅ ᐅᔭᕋᖕᓂᐊᕐᕕᖕᒥ ᐃᒡᓗᓕᐅᕐᓂᕐᒥᒡᓗ ᓄᓇᓕᖕᓂ ᐱᓕᕆᖃᑎᖃᖅᐸᖕᓂᕐᒧᑦ ᐃᓕᓐᓂᐊᖅᑎᐅᓪᓗᓂ ᓄᓇᕗᒻᒥ. ᑭᖑᓂᐊᒍᓪᓗ ᓅᓕᓚᐅᖅᓯᒪᕗᖅ ᑮᓇᐅᔭᓕᕆᓂᕐᒧᑦ ᑮᓇᐅᔭᓕᕆᓂᕐᒧᓪᓗ, ᑕᐃᑲᓂᓗ ᐱᕚᓪᓕᖅᓯᒪᓪᓗᓂ ᐊᕐᕌᒍᐃᑦ ᑕᓪᓕᒪᑦ ᐅᖓᑖᓄᑦ ᐱᓕᕆᖃᑦᑕᖅᓯᒪᓂᑰᓪᓗᓂ ᓄᓇᕘᓕᒫᒥ, ᓄᓇᑦᑎᐊᒥ, ᐋᓪᐴᑕᒥᓗ.
Matthew Pickard, P.Geo
ᐅᖃᐅᔾᔨᒋᐊᖅᑎᒻᒪᕆᒃ - ᐊᕙᑎᓕᕆᔨᒃᑯᓐᓄᑦ ᓄᓇᖃᖅᑳᖅᓯᒪᔪᓕᕆᔨᒃᑯᓐᓄᓪᓗ
ᒫᑎᐅ ᐱᑲᑦ ᓄᓇᓕᕆᔨᐅᕗᖅ ᐊᕐᕌᒍᐃᑦ 20 ᐅᖓᑖᓄᑦ ᐱᓕᕆᖃᑦᑕᖅᓯᒪᓂᑰᓪᓗᓂ ᐊᕙᑎᓕᕆᓂᕐᒧᑦ, ᐱᔪᓐᓇᐅᑎᑖᖅᑎᑦᑎᓂᕐᒧᑦ, ᓄᓇᓕᖕᓂ ᐱᓕᕆᖃᑎᖃᖅᐸᖕᓂᕐᒧᑦ ᒐᕙᒪᓕᕆᓂᕐᒧᓪᓗ ᐱᓕᕆᓂᕆᔭᐅᕙᒃᑐᓂ ᐅᔭᕋᖕᓂᐊᕐᕕᖕᓂ. ᒫᑎᐅ ᐅᐱᒋᔭᐅᔾᔪᑎᖃᖅᑐᖅ ᖃᐅᔨᓴᖅᑐᓕᕆᓂᕐᒥᒃ ᐊᒻᒪ ᓯᓚᑦᑐᖅᓴᕐᕕᒡᔪᐊᕐᒥ ᐃᓕᑕᕆᔭᐅᔾᔪᑎᑖᖅᓯᒪᓪᓗᓂ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ ᐱᓕᕆᖃᑦᑕᖅᓯᒪᓂᑰᓪᓗᓂᓗ ᑲᓇᑕᓕᒫᒥ ᑕᐅᑐᒐᖃᓪᓗᐊᑕᖅᖢᓂ ᐱᕙᓪᓕᐊᑎᑦᑎᓂᕐᒥᒃ ᓄᓇᕗᒻᒥ. ᒫᑎᐅ ᐊᔾᔨᒌᙱᑦᑐᓂᒃ ᖁᑦᑎᒃᑐᒦᓐᓂᖅᓴᓂᒃ ᐃᖅᑲᓇᐃᔮᖃᖃᑦᑕᖅᓯᒪᕗᖅ ᐹᕕᓐᓛᓐᑯᓐᓂ, ᑎ ᐱᐅᔅᑯᓐᓂ, ᖃᖓᑦᑎᐊᓵᕐᓗ ᐊᖓᔪᖅᑳᑉ ᑐᒡᓕᕆᓪᓗᓂᐅᒃ ᐃᓄᖕᓄᑦ ᑲᔪᓰᓐᓇᕈᓐᓇᖅᑐᓄᓪᓗ ᐅᑯᓇᓂ, Sabina Gold & Silver Corp.−ᑯᓐᓂ ᐊᒻᒪᓗ ᐊᖓᔪᖅᑳᑉ ᑐᒡᓕᐊᓄᑦ ᑲᔪᓰᓐᓇᕈᓐᓇᕐᓂᕐᒧᑦ ᐅᑯᓇᓂ, B2Gold ᓄᓇᕗᒻᒥ. ᐃᓚᒋᔭᐅᔪᖅ ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ Hall of Fame (2023) ᓯᕗᒃᑲᖅᑕᐃᓪᓗᓂᓗ ᓴᐲᓇ ᓵᓚᖃᖅᖢᓂ PDAC ᑲᔪᓰᓐᓇᕈᓐᓇᕐᓂᕐᒧᑦ ᑐᓐᓂᖅᑯᓯᐊᒥᒃ 2022−ᒥ.
Sharleen Hamm, RPBio
ᐅᖃᐅᔾᔨᒋᐊᖅᑎᒻᒪᕆᒃ - ᒪᓕᒋᐊᓕᖕᓄᑦ
ᓵᓖᓐ ᕼᐋᒻ ᐱᓕᕆᐊᖃᓪᓗᐊᑕᖅᐸᒃᐳᖅ ᐊᐅᓚᑦᑎᕝᕕᖃᖅᐸᖕᓂᕐᒥᒃ, ᐊᕙᑎᓕᕆᓂᕐᒥᒃ ᐱᓕᕆᖃᑎᒌᒃᐸᖕᓂᕐᒧᓪᓗ ᐱᔾᔪᑕᐅᕙᒃᑐᓂᒃ ᐅᑭᐅᖅᑕᖅᑐᒥ ᓄᒃᑕᖅᑐᖃᖅᐸᖕᓂᖓᓄᑦ, ᐅᔭᕋᖕᓂᐊᕐᓂᕐᒧᑦ ᐆᒻᒪᖅᑯᑎᓕᕆᓂᕐᒧᓪᓗ ᐱᓕᕆᐊᖑᔪᓄᑦ, ᐱᒋᐊᓚᐅᖅᓯᒪᓪᓗᓂ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᓂᕆᔭᒥᓂᒃ ᕿᑎᕐᒥᐅᓂ ᓯᕗᓂᐊᒍᑦ ᐱᓕᕆᐊᖑᕙᒃᖢᓂ ᐊᖅᑯᓯᐅᕐᓂᕐᒥᒃ ᑐᓚᒃᑕᕐᕕᖕᒥᒡᓗ ᐃᓱᒪᒋᔭᐅᔪᓂᒃ ᐊᕐᕌᒍᑦ 20 ᐅᖓᑖᓂ. ᐱᓕᕆᖃᑦᑕᖅᓯᒪᓂᑰᑦᑎᐊᖅᖢᓂ ᓄᓇᕗᒻᒥ ᓄᓇᑦᑎᐊᒥᓗ, ᓵᓖᓐ ᓇᒃᓴᖅᐳᖅ ᐊᔾᔨᒌᙱᕈᓘᔭᖅᑐᓂᒃ ᐱᓕᕆᖃᑦᑕᖅᓯᒪᓂᑰᓂᕐᒥᓂᒃ ᐃᒪᑦᑎᐊᕙᖕᒥ ᐆᒪᔪᑦ ᓇᔪᒐᖃᕐᕕᖏᓐᓂᒃ, ᐊᕙᑎᓕᕆᓂᕐᒥᒃ ᐱᓕᕆᖃᑦᑕᖅᓯᒪᓂᕐᒥᓂᒃ, ᑭᒃᑯᑐᐃᓐᓇᓂᒃ ᐃᓚᐅᑎᑦᑎᓂᕐᒥᒃ ᐊᐅᓚᑦᑎᓂᕐᒥᒡᓗ ᒪᓕᒐᓕᕆᓂᕐᒥᒃ, ᐊᒻᒪᓗᑦᑕᐅᖅ ᐱᓕᕆᕐᔪᐊᖃᑦᑕᖅᓯᒪᓂᑰᓪᓗᓂ ᐅᔭᕋᖕᓂᐊᕐᓂᕐᒧᑦ ᓇᑉᐸᖅᑎᖅᑕᐅᓯᒪᔪᓄᓪᓗ ᐱᓕᕆᐊᖑᔪᓄᑦ ᖁᕐᓗᖅᑐᐊᕐᔪᖕᒥ ᐊᖅᑯᑎᒋᔭᐅᕙᒃᑐᒥ, ᐃᑲᔪᖅᑐᐃᔪᒪᓪᓗᓂ ᐱᓕᕆᐊᖑᔪᒥᒃ WKR−ᑯᓪᓗ ᐱᓕᕆᖃᑎᒌᒃᐸᒃᑐᓂᒃ.
Jim Stevens
ᖃᐅᔨᒪᔨᑕᖅ − ᓄᓇᕗᒻᒥ
ᔨᒻ ᓯᑏᕙᓐᔅ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᒋᓚᐅᖅᓯᒪᔭᖓ ᐃᖏᕐᕋᔪᓕᕆᔨᒃᑯᓐᓄᑦ ᓄᓇᕗᑦ ᒐᕙᒪᒃᑯᖏᓐᓄᑦ. ᐃᖅᑲᓇᐃᔭᕐᓂᕐᒥᓂ ᐃᓚᐅᖃᑦᑕᖅᓯᒪᕗᖅ ᑕᒪᐃᓐᓂᑲᓴᒃ ᐊᖏᔪᓂᒃ ᓄᒃᑕᖅᑐᖃᖅᐸᖕᓂᖓᓄᑦ ᓇᑉᐸᖅᑎᖅᑕᐅᓯᒪᔪᓄᑦ ᐱᓕᕆᐊᖑᔪᓄᑦ ᑕᒪᐃᓐᓂ ᓄᓇᕗᒻᒥ ᓄᓇᑦᑎᐊᒥᓗ ᐃᓚᒋᔭᐅᓪᓗᓂ ᐃᓅᕕᒃ−ᑐᒃᑑᔮᖅᑐᒃ ᐊᖅᑯᑎᑯᑖᖓ, ᐃᖃᓗᖕᓂ ᐃᑎᔪᒥ ᑐᓚᒃᑕᕐᕕᒃ, ᒪᑲᓐᔨ ᕚᓕᒥ ᐊᖅᑯᑎᕐᔪᐊᖅ, ᐃᖃᓗᖕᓂ ᓄᓇᕐᔪᐊᓕᒫᒥ ᒥᑦᑕᕐᕕᒃ ᐱᐅᓯᒋᐊᖅᑎᑦᑎᓂᕐᒧᑦ ᐱᓕᕆᐊᖑᔪᒥᒃ ᐊᓯᖏᓐᓂᒡᓗ. ᓵᓚᖃᓚᐅᖅᓯᒪᓪᓗᓂ ᓯᕗᓕᖅᑎᒧᑦ ᓄᓇᑦᓯᐊᕐᒥ ᑐᓐᓂᖅᑯᓯᐊᒥᑦ ᐱᐅᓛᒧᑦ (ᓄᓇᖃᖅᑳᖅᓯᒪᔪᑦ ᐃᓚᐅᑎᑕᐅᓂᖏᓐᓄᑦ) ᐊᒻᒪ ᐱᓕᕆᕝᕕᖕᒥ ᒐᕙᒪᒃᑯᓐᓂ ᐊᒡᓚᕝᕕᓕᕆᓂᕐᒧᑦ (ᖃᑯᓪᓕᖅ ᑐᓐᓂᖅᑯᓯᐊᖅ−ᓄᓇᖃᖅᑳᖅᓯᒪᔪᑦ ᐃᓚᐅᑎᑕᐅᓂᖏᑦ), ᔨᒻ ᓯᕗᓪᓕᐅᔾᔨᓯᒪᕗᖅ ᓄᓇᖃᖅᑳᖅᓯᒪᔪᑦ ᐊᓯᖏᓪᓗ ᐱᖃᖃᑕᐅᔪᑦ ᐃᓚᐅᑎᑕᐅᑦᑎᐊᕐᓗᑎᒃ ᑐᑭᓯᐅᒪᑦᑎᐊᕐᓗᑎᒡᓗ ᐱᓕᕆᐊᒃᓴᐅᑉ ᐃᓗᓕᖏᓐᓂᒃ ᐊᒃᑐᐃᓂᖏᓐᓂᒡᓗ.